Manohar Airport: हैद्राबादवरून मोपासाठी विमान उड्डाण झाले; 'मनोहर'ही सजले, पाहा खास फोटो

उत्तर गोव्यातील बहुप्रतिक्षित मोपा येथील मनोहर आंतरराष्ट्रीय विमानतळ गुरुवारपासून कार्यान्वित होत आहे. ‘जीएमआर’ कंपनीकडून चालवण्यात येणाऱ्या या विमानतळावर पहिल्याच दिवशी 11 विमाने उतरतील व उड्डाणे घेतील. दरम्यान, आज मोपा विमानतळावर प्रथम इंडिगो कंपनीचे विमान उतरणार असून, मोपावर येणाऱ्या हैद्राबाद-गोवा फ्लाइट क्रमांक 6ई 6145 ने गोव्याच्या दिशेने उड्डाण घेतले आहे. जीएमआर कंपनीच्या वतीने पहिल्या विमानातील प्रवाशांच्या स्वागतासाठी मोठी तयारी केली आहे.

मनोहर विमानतळ देखील पहिल्या फ्लाईचे स्वागत करण्यासाठी सजले आहे.

विमानतळाचे नवे फोटो समोर आले आहेत.

यात विमानतळावरील विद्युत रोषणाईमुळे परिसर उजळून निघाला आहे.

विमानतळावरील काऊंटर देखील सज्ज झाले आहेत.

विमानतळाचे रात्रीचे रूप देखील अतिशय लोभस दिसत आहे.

डिसेंबरमध्ये पंतप्रधानांच्या हस्ते उद्‍घाटन करण्यात आलेल्या गोव्यातील या दुसऱ्या विमानतळाचे नाव मनोहर आंतरराष्ट्रीय विमानतळ असे दिले असले तरी तसे अधिकृतरीत्या आज निश्चित झाले.