Goa Fire News: सांगोल्डा येथे घराच्या स्वयंपाकघराला आग; 2 लाखांचे नुकसान

Fire In The kitchen of A House: सांगोल्डा येथे एका घरातील स्वयंपाकघराला आग लागल्याची घटना घडली आहे. या आगीत स्वयंपाक घरातील सर्व सामान जळून खाक झाले. घटनेची माहिती मिळताच म्हापसा अग्निशामक दलाच्या जवानांनी घटनास्थळी दाखल होत आगीवर नियंत्रण मिळविले.

याबाबत अधिक माहिती अशी की, सांगोल्डा येथे साईबाबा मंदीरानजीक व्हिसेन्ट फर्नांडीस यांच्या घरातील स्वयंपाक घरात रात्री 8.30च्या सुमारास आग लागल्याची घटना घडली. या आगीत स्वयंपाक घरातील सर्व सामान जळून खाक झाले असून सुमारे 2 लाखांचे नुकसान झाल्याची प्राथमिक माहिती मिळाली आहे.

या घटनेची माहिती मिळताच म्हापसा अग्निशामक दलाचे जवान डी.डी. सावंत, पी.व्ही. कांबळी, डी.पी. चारी, साईराज नाईक, पी. जे. गावकर, सी. बी. नाईक यांनी घटनास्थळी धाव घेत आगीवर नियंत्रण मिळविले.