Fire in Vasco : मुंडवेल वास्कोत अग्नितांडव; फ्लॅटमध्ये लागलेल्या आगीत लाखोंचं नुकसान

Fire in Vasco : मुंडवेल वाडे येथील सेंट अँड्र्यू रेसिडेन्सीमधील चौथ्या मजल्यावरील फ्लॅटला आग लागून लाखोंचं नुकसान झालं आहे. ही आग शॉर्ट सर्किटमुळे लागल्याचा संशय घरमालकांनी व्यक्त केला आहे. आग लागल्याची माहिती वास्को अग्निशमन दलाला मिळताच त्यांनी घटनास्थळी धाव घेत आगीवर नियंत्रण आणले. आग लागली त्यावेळी फ्लॅटमध्ये कुणीच नसल्याने मोठी दुर्घटना टळली.

वास्को मुंडवेल वाडे येथील सेंट अँड्र्यू रेसिडेन्सीमधील नाईक यांच्या चौथ्या मजल्यावरील फ्लॅट मधून धूर येत असल्याने एकच गोंधळ उडाला. याच इमारतीत राहणाऱ्या नागरिकांनी अग्निशमन दलाला आग लागल्याची माहिती दिली. आग लागली त्यावेळी फ्लॅटला कुलूप होते. माहिती मिळताच घटनास्थळी धाव घेत फ्लॅटमध्ये प्रवेश करून आग आटोक्यात आणण्यात आली. फ्लॅटमध्ये आग लागल्याने संपूर्ण हॉल जळून खाक झाला, तर आगीमुळे फ्लॅटमध्ये मोठ्या प्रमाणात नुकसान झालं.

इमारतीत लागलेल्या आगीमुळे काहीकाळ परिसरात घबराट पसरली होती. अग्निशमन दलाने घटनास्थळी धाव घेत आगीवर नियंत्रण मिळवल्याने सुदैवाने जास्त हानी झाली नाही. वास्को वीज विभागाने इमारतीतील वीज बंद केली. या आगीत कुणालाही इजा झाली नसून मालमत्तेचं मात्र मोठं नुकसान झालं आहे.