पर्ये: रावण - पेळावदा भागातील डोंगर टेकड्यावरील काजू बागायतीला आग लागून काजूची झाडे व कलमे जाळून खाक झाल्याने शेतकऱ्यांचे मोठे नुकसान झाले आहे. येथील यशवंत कामत, गुरुदास कामत, श्रीपाद कामत यांच्या काजू बागायतींना आज (रविवारी) दुपारी आग लागली. जमीन धारकांना माहिती मिळताच त्यांनी डोंगरावर जाऊन अथक प्रयत्नाने आग विझवण्यास यश मिळवले.
त्यामुळे आणखी मोठी आर्थिक हानी टळली. आग आटोक्यात येईपर्यंत आगीच्या भडक्यात सुमारे एक हेक्टर जागेतील काजूची झाडे व नवीन काजू कलमांची लागवड जाळून खाक झाली.
सध्या काजू हंगामाला सुरवात झाली होती. या आगीच्या भडक्यात संपूर्ण काजू लागवड नष्ट झाल्याने शेतकऱ्यांचे मोठे नुकसान झाले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
