गोवा सरकारकडून तीन 'आयटी कंपन्यांना' आर्थिक प्रोत्साहन..!

Panjim : राज्य सरकारने (State Government) तीन आयटी कंपन्यांना (IT Company) एकूण 25.3 लाख रुपये प्रोत्साहन म्हणून मंजूर केले असून, त्यापैकी 19.3 लाख रुपये आज वितरित करण्यात आले. ट्रान्सर्व्ह टेक्नॉलॉजीजला रु. 4.5 लाख, सॉफ्टवेअर डेव्हलपमेंटसाठी रु. 10.3 लाख आणि ऑनलाइन उत्पादकता सोल्यूशन्ससाठी रु. 4.5 लाख असे वितरित करण्यात आले आहेत.

उर्वरित 6 लाख रुपये ऑनलाइन उत्पादकता सोल्युशन्सला दोन टप्प्यांत वितरित केले जाणार असून, प्रत्येक हप्त्याच्या कालावधीच्या शेवटी मूल्यांकन केले जाईल. मिळालेल्या माहिती नुसार तंत्रज्ञान विभागाला आजपर्यंत प्रोत्साहनासाठी एकूण 43 अर्ज प्राप्त झाले आहेत, त्यापैकी 9 आधीच मंजूर आणि वितरित केले गेले आहेत, 12 अर्ज योग्य पडताळणीनंतर नाकारण्यात आले आहेत, 4 अर्जदार कंपन्यांकडून अनुपालनाच्या प्रतीक्षेत आहेत आणि उर्वरित 18 नुकत्याच पडताळणीसाठी घेण्यात आल्या आहेत. गोवा आयटी धोरण 2018 अंतर्गत माहिती तंत्रज्ञान विभागाच्या एकूण 18 योजना आहेत, यापैकी अर्जदार कंपन्यांनी प्रामुख्याने इंटरनेट सबसिडी, पॉवर सबसिडी, लीज रेंटल सबसिडी, जमीन/बांधकाम क्षेत्र सवलत योजना, कॅम्पस रिक्रूटमेंट सहाय्य आणि यासाठी अर्ज केले आहेत