Chinchinim Panchayat : सध्या चिंचणी ग्रामपंचायत एका गोष्टीमुळे त्रस्त आहे. ग्रामपंचयतीने गोवा राज्य प्रदूषण नियंत्रण मंडळाला (GSPCB) पत्र पाठवून प्रदूषण मंडळाचे लक्ष NH66 वरील खराब आणि कुजलेल्या अवस्थेतील माशांच्या वाहतुकीकडे वेधले आहे. ज्यामुळे संपूर्ण परिसरात दुर्गंधी निर्माण होत आहे. यामुळे सभोवतालच्या हवेच्या गुणवत्तेवर परिणाम होत आहे.
कारवाईसाठी या पत्राची प्रत कुंकळ्ळी पोलिसांनाही देण्यात आली आहे.
चिंचणीचे सरपंच व्हॅलेंटिनो बॅरेटो यांनी त्यांच्या पत्रात GSPCB सदस्य सचिव शमिला मॉन्टेरो यांना कळवले आहे की, लहान पिक-अप व्हॅन कुंकळ्ळी रस्त्यालगत कुजलेले मासे घेऊन जात आहे. ते बहुधा येथील औद्योगिक वसाहतीमधील फिश मील प्लांटसाठी असावेत. मात्र यामुळे संपूर्ण परिसरात दुर्गंधी पसरते.
हे छोटे पिक-अप कदाचित कुजलेले खराब मासे विल्हेवाटीसाठी कुंकळ्ळी औद्योगिक वसाहतीमध्ये असलेल्या फिश मील प्लांटमध्ये मासे घेऊन जात असावेत. मात्र यामुळे परिसरातील नागरिकांना त्रास होतो. त्यामुळे यावर त्वरित तोडगा काढावा, अशी विनंती सरपंचांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.