‘FIFA World Cup स्पर्धेचे ‘पास’ महिला क्रीडाप्रेमींना मोफत द्या’: मारियान रॉड्रिग्ज

पणजी : फिफा 17 वर्षांखालील महिला विश्वचषक स्पर्धेचे यजमानपद गोवा ऑक्टोबरमध्ये भूषवणार असल्याची गोष्ट अभिमानाची आहे. त्यासाठी युवा महिला क्रीडाप्रेमींना मोफत पास दिले पाहिजे. पास दिल्यास सामने पाहण्यासाठी मोफत संधी महिलांना मिळणार आहे, अशी मागणी गोवा तृणमूल काँग्रेसचे संयुक्त समन्वयक मारियान रॉड्रिग्ज यांनी केली.

पणजी येथे घेतलेल्या पत्रकार परिषदेत ते बोलत होते. यावेळी त्यांच्यासोबत सरचिटणीस प्रतिभा बोरकर आणि सचिव गिलरॉय कॉस्ता उपस्थित होते.

फिफा स्पर्धा भारतात होत असल्याने देशातील युवा महिला फुटबॉलपटूंवर सकारात्मक प्रभाव पडणार आहे. भारतीय मुलींमध्ये फुटबॉल हा आवडीचा खेळ आहे, असे रॉड्रिग्ज म्‍हणाले.