साळेलीत पुन्‍हा दरड कोसळण्‍याची भीती

काणकोण : आगोंद व खोला पंचायत क्षेत्राला जोडणाऱ्या साळेरी पुलाजवळ यंदा पुन्हा दरड कोसळण्याची शक्यता निर्माण झाली आहे. पुलाच्या आगोंद बाजूला रस्त्याच्या दोन्ही बाजूंकडील डोंगराची दरड कोसळून दगड व माती रस्त्यावर आली होती.

तसेच रस्ता दोन वेळा वाहतुकीसाठी बंद झाला होता. या ठिकाणी रस्त्याच्या दोन्ही बाजूंना संरक्षक भिंत उभारण्याची मागणी करण्यात येत आहे.

दरम्‍यान, माशे-लोलये या आगस रस्त्यावर गेल्या वर्षी दरड कोसळली होती. या रस्त्याखाली घरे असल्‍यामुळे तेथील लोकांना धोका संभवतो.