आंतराज्य बससेमधून येणाऱ्या खाद्यपदार्थाच्या वाहतुकीवर कडक कारवाई करताना, अन्न व औषध प्रशासनाने आज मंगळवारी म्हापसा नवीन बसस्थानकावर सरप्राईज मोहीम राबवली.
ज्यात 510 किलो पनीर, काही प्रमाणात दही तसेच 60 किलो फ्राईड ऑनियन जप्त केला. महाराष्ट्रातील ठाणे येथून हा पनीर आलेला होता. हा संपूर्ण मुद्देमाल 01 लाख रुपयांचा होता.
प्राप्त माहितीनुसार, मंगळवारी (ता.02) सकाळी 07 च्या सुमारास एफडीए अधिकारी रिचर्ड नोरोन्हा, राजाराम पाटील, शैलेश शेणवी तसेच सहकारी कर्मचाऱ्यांच्या पथकाने म्हापसा आंतरराज्य बसस्थानकावर येणाऱ्या वाहनांची तपासणी मोहीम राबवली.
या अधिकाऱ्यांनी अन्नपदार्थांची गुणवत्ता तपासण्यासाठी आंतरराज्य बसमधून वाहून नेले जाणारे खाद्यपदार्थ पार्सल तपासले.
दही पिशव्यांवर उद्याची पॅकिंग तारीख
पनीर कुठलेही लेबल (माहिती) लावलेले नसताना ठाणे, महाराष्ट्रमधून आणण्यात आला होता. तसेच दही, आणि 60 किलो ग्रॅम भाजलेला कांदा याचा समावेश होता. विशेष म्हणजे दही पिशव्यांवर पॅक तारीख उद्याची (03 जुलै) अशी नमूद केलेली होती.
हा मुद्देमाल जप्त करून म्हापसा पालिकेच्या सहाय्याने तो नष्ट करण्यात आला. दुधाचे पदार्थ येणार आहे, अशी एफडीएला टीप मिळाली होती
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.