गांजा बाळगल्याप्रकरणी फातोर्डा पोलिसांनी एकाच्या आवळल्या मुसक्या, 'एवढ्या' किमतीचा गांजा जप्त; पुढील तपास सुरु

राज्यात फोफावलेल्या ड्रग्ज कल्चरवर आळा घालण्यासाठी पोलिसांकडून सातत्याने कारवाया केल्या जात आहेत. यातच आता, फातोर्डा पोलिसांनीही अशीच कारवाई केली आहे. गांजा बाळगल्याप्रकरणी पोलिसांनी एकाच्या मुसक्या आवळल्या. याबाबतची माहिती मिळताच फातोर्डा पोलिसांकडून ही कारवाई करण्यात आली.

गांजा बाळगल्याप्रकरणी अटक करण्यात आलेल्या व्यक्तीचे नाव विनायक मलाप्पा जाधव असे आहे. तो बोर्डा येथील रहिवासी आहे. पोलिसांनी यावेळी संशयित विनायकडून तब्बल 31, 400 किमतीचा 314 गांजा जप्त केला. फातोर्डा पोलिस आता पुढील तपास करतायेत.

दरम्यान, काही दिवसांपूर्वी गांजा बाळगल्याप्रकरणी ओडिशातील (Odisha) तरुणाला अटक करण्यात आली होती. सायमन माळी (वय 23, रा. ओडिशा) असे या अटक तरुणाचे नाव होते. सायमनजवळ तीन लाख 10 हजार रुपये किंमतीचा 3.10 किलो गांजा आढळून आला होता. अंजुना अर्पोरा येथे ही कारवाई करण्यात आली होती. पोलिसांनी मुद्देमालासह आरोपीला ताब्यात घेतले होते.

तर दुसरीकडे, गांजा बाळगल्याप्रकरणी कळंगुट पोलिसांनी मूळच्या महाराष्ट्रमधील (Maharashtra) एका 35 वर्षीय तरुणाला रंगेहाथ पकडून अटक केली होती. अंकुश काळे असे संशयिताचे नाव होते. त्याच्याकडून पोलिसांनी 840 ग्रॅम वजनाचा 84 हजार रुपये किमतीचा गांजा जप्त केला होता.

पोलिसांनी दिलेल्या माहितीनुसार, पोरबोवाडा येथील बोडकेवड जंक्शनजवळ ही कारवाई पोलिसांनी केली होती. याठिकाणी संशयित येणार असल्याची माहिती पोलिसांना मिळाली होती. त्यानुसार, पोलिस निरीक्षक मिलिंद भुईंबर यांच्या मार्गदर्शनाखाली उपनिरीक्षक राजाराम बागकर यांनी इतर पोलिस कर्मचाऱ्यांसोबत ही कारवाई केली होती.

थिवी रेल्वे स्टेशनजवळही दोन लोकांना पोलिसांनी रंगेहात पकडले होते. प्रभुदत्त त्रिपाठी (वय 28, ओडिशा) आणि श्याम सुंदर सिंग (वय 23,ओडिशा) अशी ताब्यात घेतलेल्यांची नावे होती. त्यांच्याकडून तब्बल 5.10 किलोग्रॅम वजनाचा सुमारे 5 लाखांचा गांजा जप्त करण्यात आला होता.