सासष्टी: गोंयात कोळसो नाका संघटना रेल्वे दुपदरीकरणाला तसेच रेल्वेने कोळशाची वाहतूक करण्यास विरोध आहे. ही संघटना सध्या गोव्यातील सर्व आमदारांच्या भेटी घेऊन त्याना निवेदन सादर करीत आहे व त्यांचा पाठिंबा मिळविण्याचा प्रयत्नात आहे. शुक्रवार 10 जून रोजी गोंयात कोळसो नाका संघटनेच्या प्रतिनिधींनी अभिजीत प्रभुदेसाई यांच्या नेतृत्वाखाली फातोर्ड्याचे आमदार विजय सरदेसाई यांची भेट घेतली व त्यांना निवेदन सादर केले.
(Fatorda MLA Vijay Sardesai met representatives of Goa No Coal Association)
त्यानंतर बोलताना आमदार सरदेसाई म्हणाले, की गोंयात कोळसो नाका संघटनेची मागणी रास्त आहे. केंद्रीय उच्चाधिकार समितीने (सीईसी) आपली या संबंधीची निरीक्षणे सर्वोच्च न्यायालयाला सादर केली असून न्यायालयानेही आपले मत नोंदवले आहे. कोळसा वाहतुकीसाठी पर्यायी व्यवस्था असताना गोव्यातून कोळसा वाहतुकीचा प्रश्र्नच उदभवत नाही, असे त्यांनी सांगितले.
अभिजीत प्रभुदेसाई यांनी सांगितले की संघटनेने 40 पैकी 27 आमदारांना निवदने सादर केली आहेत. उर्वरीत 12 जणांना लवकरच निवदने सादर केली जातील. तसेच मुख्यमंत्री डॉ. प्रमोद सावंत यांचीही भेट घेऊन त्याना परिस्थितीची माहिती देण्यात येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
