Bhutani Project: 'भूतानी'विरोधात स्थानिक आक्रमक; उपोषणाचा आज तिसरा दिवस, आंदोलन चिघळणार?

Bhutani Infra Project Sancoale Premanad Naik Hunger Strike Against Permission

कुठ्ठाळी: सांकवाळ पंचायतीच्या प्रभाग दोनमध्ये होऊ घातलेल्या वादग्रस्त ‘भूतानी’ प्रकल्पाला दिलेला बांधकाम परवाना रद्द किंवा मागे घेण्यात येत नाही, तोपर्यंत बेमुदत उपोषण सुरूच राहणार, असे सांकवाळ पंचायतीचे माजी सरपंच प्रेमानंद नाईक यांनी आज स्पष्ट केले. ते २१ ऑक्टोबर रोजी सकाळी १० वाजल्यानंतर बेमुदत उपोषणाला बसले आहेत.

मंगळवारी प्रमोनंद नाईक यांचा रक्तदाब कमी झाल्यामुळे डॉक्टरांनी त्यांची तपासणी केली. सांकवाळ पंचायतीचे सत्ताधारी पंचसदस्य भूतानी प्रकल्पाविषयी दुहेरी भूमिका घेत असून सत्ताधारी पंचसदस्य पूर्णपणे भ्रष्टाचारी झाल्याचे माजी सरपंच प्रेमानंद नाईक यांनी सांगितले.

प्रेमानंद नाईक यांच्या म्हणण्यानुसार, खुद्द भूतानी कंपनीने कारणे दाखवा नोटिसीला दिलेल्या उत्तरात आमचे कोणतेच परवाने नाहीत. यासाठीच पंचायतीने आमच्याकडून पैसे उकळलेले आहेत. असे असताना पंचायत परवाना रद्द का करीत नाही, असा प्रश्न निर्माण झाला आहे.

गोवा

यावेळी प्रेमानंद नाईक यांना पाठिंबा देण्यासाठी पंच तुळशीदास नाईक, पीटर डिसोझा, दामोदर नाईक, पावलो डिसोझा, रमाकांत नाईक, दामू नाईक उपस्थित होते. कुठ्ठाळीचे आमदार आंतोन वाझ यांनीही भेट देऊन प्रेमानंद नाईक यांना समर्थन दिले आहे.