मडगावमध्ये कार्यरत असलेल्या हजारो व्यावसायिक आस्थापनांचे सर्वेक्षण पूर्णत्वाकडे पोहोचल्याचे पालिकेच्या गोटातून सांगण्यात येते. मात्र, त्यातील सध्या कित्येक आस्थापने व्यावसायिक परवाना नसतानाही बिनदिक्कत सुरू आहेत. अशा आस्थापनांवर कारवाई होणार की नाही, हा प्रश्न उपस्थित केला जात आहे.
यापूर्वी परवाने नसतानाही व्यवसाय करणाऱ्यांचे सर्वेक्षण केले होते. मात्र, त्यानंतर काहीच हालचाल झालेली नाही. अशाच प्रकारची स्थिती या व्यावसायिक आस्थापनांच्या बाबतीतही होणार का, असा प्रश्र्न विचारला जात आहे. जो सर्वे केला आहे, त्याप्रमाणे एकाच प्रभागात ३० ते ४० टक्के व्यवसाय परवाने नसताना सुरू आहेत.
पालिकेच्या न्यू मार्केट आणि गांधी मार्केटमध्येही विनापरवाना व्यवसाय सुरू आहेत. शिवाय या मार्केटमधील व्यावसायिक शुल्क अतिशय कमी आहे. ते वाढविण्यात आलेले नाहीत. काही व्यावसायिक तर केवळ १० ते १५ रुपये शुल्क देतात. त्यामुळे या शुल्कामध्ये वाढ करण्याशिवाय पालिकेला गत्यंतर नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
