ESMA Implemented In Goa: गोव्यात 'एस्‍मा' लागू; कायद्यानुसार अत्यावश्यक सेवेतील कर्मचाऱ्यांना संप करण्यास बंदी

ESMA Implemented In Goa: राज्य सरकारने पुढीस सहा महिन्यांच्या कालावधीसाठी प्रवाशी किंवा माल वाहतूक करण्यासाठी सर्व परिवहन सेवांसाठी अत्यावश्यक सेवा देखरेख कायदा (एस्मा) लागू केला आहे. आदेशानुसार राज्यातील वाहतूक सेवेतील संघटनांना संप करण्यास बंदी लावण्यात आली आहे.

राज्यात आंतरराष्ट्रीय चित्रपट महोत्सव (इफ्फी) सुरू होणार असून त्या अनुषंगाने एस्मा कायदा लावण्यात आल्याचे समजते. 'इफ्फी'च्या काळात मोठ्या संख्येने आंतरराष्ट्रीय प्रतिनिधी येणार आहेत. त्यामुळे जमाव होऊन राज्याच्या प्रतिमेवर याचा परिणाम होऊ नये, यासाठी हा कायदा लागू करण्यात आला आहे. तसेच कोरोना काळाच्यादोन वर्षानंतर यंदा पर्यटन हंगाम पुन्हा जोमाने सुरू होणार आहे. त्यावर कोणताही परिणाम होऊ नये म्हणून सरकारकडून प्रयत्न सुरू आहेत.