Quepem Panchayat Election केपे तालुक्यातील बाळ्ळी आणि बार्से या दोन पंचायतीच्या पोट निवडणूकीत केपेचे आमदार एल्टन डिकॉस्ता यांचा पाठिंबा मिळालेले उमेदवार निवडून आले.
बाळ्ळीमठ प्रभागातील पोटनिवडणुकीत हर्षद विठ्ठल परीट तर शिर्ली बार्से पोटनिवडणुकीत सर्वानंद मोनो वेळीप हे विजयी झाले. त्या दोघांनाही आमदार डिकॉस्ता यांनी पाठिंबा दिला होता.
बाळ्ळीमठ प्रभागातील पोटनिवडणुकीत झालेल्या चौरंगी लढतीत हर्षद परीट यांनी आपले प्रतिस्पर्धी रोहिदास लक्ष्मण नाईक यांचा 19 मतांनी पराभव केला. परीट यांना 118तर रोहिदास नाईक यांना 99 मते मिळाली.
शिर्ली बार्से येथे सर्वानंद मोनो वेळीप व दिनेश रामा वेळीप यांच्यांत सरळ लढत झाली होती. त्यांत सर्वानंद वेळीप 34 मतांनी विजयी झाले.सर्वानंद यांना 230 तर दिनेश यांना 196 मते प्राप्त झाली. निर्वाचन अधिकारी म्हणून केपेचे मामलेदार प्रतापराव गांवकर यांनी काम पाहिले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.