Power Shutdown in Goa: गोव्यात रविवारी 'या' दोन तालुक्यांमध्ये वीजपुरवठा राहणार बंद

Power Shutdown in Goa: वीज वाहिनीची पूर्वमान्सून देखभाल करणे तसेच इतर कारणांसाठी वीज खात्यातर्फे बार्देश, पेडणे येथे रविवारी 28 मे रोजी सकाळी 6 ते 12 या वेळेत वीजपुरवठा केला जाणार नाही. थिवी उपकेंद्रातील 11 केव्ही फीडरच्या दुरूस्तीचे काम करण्यात येणार आहे.

या परिसरातील सर्व व्यावसायिक आणि घरगुती वीज ग्राहकांनी याची नोंद घ्यावी, असे आवाहन करण्यात आले आहे.

दरम्यान, बार्देश, पेडणे येथे वीज खात्यातर्फे 28 मे रोजी सकाळी 6 ते 12 या वेळेत वीजपुरवठा बंद राहणार आहे.

विभागाने जारी केलेल्या नोटीसीमध्ये म्हटले आहे की, 220 केव्ही आणि 110 केव्ही उपकरणे जसे की बस आयसोलेटर, ट्रान्सफॉर्मर आयसोलेटर, ब्रेकर इत्यादी पूर्वमान्सून देखभाल करणे आणि विद्यमान 110 केव्ही मुख्य बसचा एक भाग दुहेरी कंडक्टर बदलणे इत्यादी देखभालदुरूस्ती करण्यात येणार आहे.

त्यामुळे 28 मे रोजी सकाळी 6 ते 12 या वेळेत बार्देश, पेडणे तालुक्यातील वीज ग्राहकांना वीजपुरवठा केला जाणार नाही. अस्नोडा वॉटर वर्क्स, जिल्हा रुग्णालय आदी अत्यावश्यक सेवांना वीजपुरवठा केला जाणार आहे.