देवघरात आठ फुट किंग कोब्रा लपल्याने तारांबळ, पैंगीणमधील धट

वेलवाडा: पैंगीण येथील पुतू सुदीर याच्या देवघरात आठ फुट किंग कोब्रा लपून बसलेला अढळला आहे. या किंग कोब्राला आज सर्पमित्र सतीश पैगीणकर व वनखात्याच्या संतोष यांनी पकडून जीवदान दिले आहे. आंबेली सत्तरी येथे बागायतीत आलेल्या बारा फुटी लांबीच्या किंग कोब्रा सापडल्याची घटना ताजी असतानाच, सूमारे आठ फूट लांबीचा हा किंग कोब्रा राहत्या घरात सापडला आहे. सुदीर यांच्या देवघरात तो लपलेला होता. आज देवघरात पुजा व साफसफाई करताना त्यांच्या ते लक्षात आल्याने त्यांनी सर्पमित्रांना पाचारण केले. (eight-foot King Cobra lurks in the house temple in goa)

आंबेली सत्तरीत पकडला 12 फुटी किंग कोब्रा

आंबेली सत्तरी येथे बागायतीत आलेल्या बारा फुटी लांबीच्या किंग कोब्रा पकडून सुरक्षित ठिकाणी सोडण्यात आले आहे. सर्पमित्र विनोद सावंत यांनी आंबेली येथे तातडीने सुपारी कुळागर बागायतीत लहान पाट पाण्याच्या ठिकाणी किंग कोब्राला मोठ्या धाडसाने पकडले. गुरुवारी सायंकाळी सहा वाजता ही घडली होती.

आंबेली येथे गोविंद गावडे यांच्या बागायतीत सदर साप वावरत होता. विनोद सावंत यांना याची माहीती देण्यात आल्यावर सावंत यांनी तत्काळ आंबेली येथे जाऊन चोख कामगिरी बजावली. साप पकडल्याची माहीती म्हादई वाईड लाईफ विभागाचे वनअधिकारी शामसुंदर गावस यांना देण्यात आली. या धाडसी कामगिरी बद्दल विनोद सावंत यांचे अभिनंदन होते आहे.