Wildlife In Goa: जंगल, वन्यजीव संपदा वाचवण्यासाठी प्रयत्न हवेत- पर्यावरण अभ्यासक

वन्यजीव मंडळाची 4 वर्षांत एकही बैठक नाही- राजेंद्र केरकर : जबाबदारीकडे वेधले लक्ष;
Wildlife In Goa
Wildlife In GoaDainik Gomantak

Wildlife In Goa: यापूर्वीच्या गोवा राज्य वन्यजीव मंडळाची गेल्या 3 ते 4 वर्षांत एकही बैठक झालेली नाही. त्यामुळे नव्याने स्थापन केलेल्या मंडळाच्या सर्व सदस्यांवर वन्यजीव आणि त्यांचा अधिवास सुरक्षित राखण्याची जबाबदारी आहे. त्यासाठी त्यांनी प्रयत्न करावेत, असे मत पर्यावरण अभ्यासक राजेंद्र केरकर यांनी व्यक्त केले.

राज्यातील जंगलात मोठ्या प्रमाणात वन्यजीवांचा अधिवास आहे. त्यांना संरक्षण देणे गरजेचे आहे. या दृष्टीकोनातून नवनिर्वाचित मंडळाच्या सदस्यांनी काम करण्याची अत्यंत आवश्‍यकता आहे, असेही केरकर म्हणाले.

Wildlife In Goa
हैदराबाद पर्यटकांच्या रॅश ड्रायव्हिंगमुळे दोन अपघात; पर्वरीत तणावपूर्ण वातावरण, पाठलाग करून अटक

पाच चौ.कि.मी. जंगल खाक : हल्लीच सुमारे 5 चौरस किलोमीटर जंगल मानवी हस्तक्षेपामुळे खाक झाले. यात अनेक वन्यजीव मृत्युमुखी पडले असावेत. तसेच अनेक वन्यजीव स्थलांतरित झाले असावेत.

त्यामुळे वन्यजीवांच्या अस्तित्वासाठी मंडळाने सखोल विचार करून ते प्रत्यक्षात आणावेत. सद्यस्थितीत वन्यजीव असुरक्षित आहेत, असे राजेंद्र केरकर यावेळी म्हणाले.

Wildlife In Goa
Goa Traffic Rule: भावांनो... एक जूनपासून वेगावर मर्यादा ठेवा!

12 वर्षांत पाच वाघांचा बळी

राज्यात 2009 ते 2021 या कालखंडात पाच वाघांचा मृत्यू झाला, ही चिंताजनक बाब आहे. त्यामुळे वन्यजीव सुरक्षिततेसाठी मंडळाने ठोस पावले उचलण्याची गरज आहे. तसेच त्यासाठी ठोस प्रयत्न व्हायला हवेत.

येथील जंगल क्षेत्रात वन्यजीव अधिवास तसेच त्यांना संरक्षण कशाप्रकारे देता येईल, यावर मंडळाने वेळोवेळी बैठका घेऊन चर्चा करायला हवी, असे केरकर यांनी सुचविले.

वन्यजीव मंडळ अध्यक्षपदी सीएम

राज्य सरकारने 31 सदस्यीय गोवा राज्य वन्यजीव मंडळाची पुनर्रचना केली आहे. या मंडळाचे अध्यक्ष मुख्यमंत्री डॉ. प्रमोद सावंत असून, उपाध्यक्ष वनमंत्री विश्‍वजीत राणे आहेत.

सरकारने पुनर्रचना केलेल्या या मंडळामध्ये सावर्डेचे आमदार गणेश गावकर, पर्येच्या आमदार दिव्या राणे, कुठ्ठाळ्ळीचे आमदार आंतोनिओ वाझ यांच्यासह काही एनजीओ, पोलिसप्रमुख, भिरोंडाचे सरपंच व इतरांची सदस्य म्हणून नेमणूक केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com