Patra Chawl Case : शिवसेनेचे खासदार संजय राऊत यांनी पत्राचाळ पुनर्विकास प्रकरणात तुरुंगवास भोगला होता. तेच पत्राचाळ प्रकरण आता पुन्हा एकदा चर्चेत आले आहे. याप्रकरणी ईडीने गोव्यात कारवाई केल्याची माहिती समोर येत आहे.
पत्राचाळ पुनर्विकास प्रकरणात खासदार राऊत यांनी 102 दिवस आर्थर रोड कारागृहात तुरुंगवास भोगला होता. यानंतर त्यांची जामिनावर सुटका करण्यात आली.
एएनआय वृत्तसंस्थेने दिलेल्या माहितीनुसार, या प्रकरणातील कन्स्ट्रक्शन कंपनीच्या दोन संचालकांची संपत्ती जप्त केली आहे. पत्राचाळ पुनर्विकास प्रकरणातील गुरुआशिष कन्स्ट्रक्शन प्रा. लि.चे उत्तर गोव्यातील संचालक राकेश कुमार वाधवान आणि सारंग कुमार वाधवान यांच्या संपत्तीवर ईडीनं टाच आणली आहे. यांच्या 31.50 कोटी रुपयांच्या दोन स्थावर मालमत्ता अर्थात इमारती ईडीनं जप्त केल्या आहेत.
गोरेगावमधील पत्राचाळ (सिद्धार्थनगर) पुनर्विकास प्रकरणात संजय राऊत यांना ईडीने अटक केली होती. 102 दिवस आर्थर रोड कारागृहात तुरुंगवास भोगल्यानंतर त्यांची जामीनावर सुटका करण्यात आली. 2 लाखांच्या वैयक्तिक जातमुचलक्यावर हा जामीन मंजुर करण्यात आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.