Goa Casino Raid: ईडीची कारवाई सीसी टीव्ही फुटेज तसेच दस्तावेज ताब्यात

ED Raid Goa Casino: गोव्यातील कॅसिनोमध्ये काही समाजविघातक प्रवृत्ती येऊन गेल्या आहेत याचा सुगावा लागल्याने सक्तवसुली संचालनालयाने (ईडी) कॅसिनोची तपासणी केलीच, त्याशिवाय त्यांच्या आस्थापनांतील सर्व सीसी टीव्ही फुटेज यंत्रसामग्री तसेच काही महत्त्वाचे आर्थिक दस्तावेज ताब्यात घेतले आहेत.

विश्‍वसनीय सूत्राने दिलेल्या माहितीनुसार, देशातील काही विघातक प्रवृत्ती कॅसिनोमध्ये गेल्या महिन्यात येऊन गेल्या याची माहिती ईडीला मिळाली होती.

या प्रवृत्तींनी पैसा कोठून आणला, त्यांना कोणत्या मार्गाने पैसा मिळतो, शिवाय हा काळा पैसा कसा अधिकृत चलनात आणला जातो याची माहिती घेतली जात आहे.

कॅसिनोचालकांनी ईडीला सर्वतोपरी साहाय्य करण्याचे वचन दिले आहे. दरम्यान, पणजी शहरातील काही तारांकित हॉटेल्स तसेच मांडवी तीरावरील

सीसी टीव्ही फुटेज, दस्तावेज ताब्यात

तरंगत्या कॅसिनोच्या आस्थापनांवर सक्तवसुली संचालनालयाने (ईडी) टाकलेल्या छापेमारीत मोठ्या प्रमाणात आर्थिक व्यवहारांचे दस्तावेज ताब्यात घेण्याबरोबरच आस्थापनांच्या अधिकाऱ्यांच्या जबान्या नोंदवून घेतल्या आहेत

या छापेमारीमुळे राज्यातील इतर काही उद्योजकांचेही धाबे दणाणले आहेत. काल संध्याकाळी सुरू झालेली ही छापेमारी आज पहाटेपर्यंत सुरू होती.

उद्योजकांमध्ये खळबळ

पणजीतील काही हॉटेलांतील कॅसिनोंमध्ये ईडीने छापे टाकले. गोव्यात मोठ्या प्रमाणात देशभरातील काही व्यावसायिक तसेच उद्योजक कॅसिनोवर उपस्थिती लावत असल्याने काळ्या पैशांची मोठी उलाढाल होत असल्याने ईडीने गोव्यावर लक्ष केंद्रित केले आहे.

या छापेमारीवेळी ईडीने गोव्यातील ईडी अधिकाऱ्यांची व साध्या वेशातील गोवा पोलिसांची मदत छापेमारीवेळी सुरक्षा ठेवण्यासाठी घेतली होती. गोव्यात तसेच गोव्याबाहेर व्यवसाय व उद्योग असलेल्या उद्योजकांमध्ये ईडीच्या या कारवाईमुळे खळबळ माजली आहे.