दुपट्टा किलर महानंद नाईक याला 21 दिवसांचा फर्लोर मंजूर केल्याने तो कारागृहाबाहेर येणार आहे. या काळात तो बदला घेण्याची शक्यता असल्याने संरक्षण देण्याचा अर्ज बलात्कार प्रकरणातील पीडितेने पोलिसांकडे पत्राद्वारे केला होता.
दरम्यान, पीडित महिलेच्या अर्जाची दखल घेत अखेर महिलेला पोलिसांनी संरक्षण दिले आहे.
दुपट्टा किलर महानंद नाईक याच्यावर 16 तरुणींची हत्या केल्याचा आरोप आहे. त्यापैकी दोन प्रकरणात त्याला जन्मठेपेची तर एका बलात्कार प्रकरणात न्यायालयाने शिक्षा ठोठावली होती. तेव्हापासूनच तो कारागृहात आहे.
महानंद हा गरीब महिलांना हेरून त्यांच्याशी ओळख करत होता. त्यानंतर त्या महिलेला विवाहाचे आमिष दाखवून पळून जाऊन विवाह करू, असे सांगायचा. येताना या महिलांना तो दागिने घेऊन येण्यास सांगत असे. त्यांना निर्जनस्थळी नेऊन दुपट्‍ट्याने तो गळा आवळून त्यांचा खून करत असे. अंगावरील दागिने काढून मृतदेह निर्जनस्थळी टाकून देत असे.
महानंद कारागृहातून बाहेर आल्याने पिडीत महिलेने 'माझ्या जिवाला धोका आहे'. मला संरक्षण द्या अशी विनंती तिने पोलिसांना पत्र लिहून केली होती. दरम्यान अर्जाची दखल घेत महिलेला संरक्षण दिले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.