Dupatta Killer Mahanand Naik: दुपट्टा किलर महानंद नाईक पुन्हा कोलवाळ तुरूंगात

Dupatta Killer Mahanand Naik Furlogh Ends: राज्यात खळबळ उडवून देणारा महिलांचा कर्दनकाळ, दुपट्टा किलर महानंद नाईक याच्या फर्लो रजेचा 21 दिवसांचा कालावधी संपुष्टात आला आहे. त्यामुळे महानंद आज, बुधवारी पुन्हा कोलवाळ तुरूंगात दाखल झाला.

फर्लो रजा मंजुर केल्याने सुमारे 14 वर्षांनंतर महानंद तुरूंगाबाहेर आला होता. त्याच्यावर 16 महिलांच्या खुनाचे गुन्हे नोंद होते. त्यापैकी दोन प्रकरणांत त्याला जन्मठेपेची तर एका बलात्कार प्रकरणातही शिक्षा झाली आहे. फर्लो रजा काळातही त्याच्यावर पोलिस नजर ठेऊन होते.

महानंद हा गरीब महिलांना हेरून, त्यांना विवाहाचे आमिष दाखवून दागिने घेऊन येण्यास सांगत असे. तो दागिने घेऊन निर्जनस्थळी नेऊन दुपट्‍ट्याने महिलांचा गळा आवळून खून करत असे. फोंड्यातील एका महिलेने त्याच्याविरोधात तक्रार केली होती. त्यानंतर त्याच्या गुन्ह्यांची मालिका उघडकीस आली होती.