वाळपई परिसात कालरात्री पासून काही गावात मुसळधार पावसांबरोबर वादळी वारे वाहत होते. त्यामुळे काही ठिकाणी झाडांची पडझड होऊन रस्ता वाहतुकीस बंद झाला होता.
आज सकाळी ७.१५ च्या दरम्यान वाळपईमार्गे जाताना दाबोस सोनाळ रस्त्यावर फणसाची भली मोठी फांदी कोसळून रस्ता वाहतूक सुमारे अर्धा तास बंद होती. एका बाजूंनी कशी बशी वाहने वाट काढीत जात होती.
वाळपई अग्निशमनाला माहिती मिळताच दलाच्या जवानांनी घटनास्थळी जाऊन कोसळलेली मोठी फांदी हटवून सव्वाआठ वाजता रस्ता मोकळा झाला.
सत्तरी तालुक्यात प्रचंड प्रमाणात पाऊस पडत आहे. त्यातच वादळी वारेही काही प्रमाणात वाहत आहेत. रस्त्यालगतची झाडे अशावेळी कोसळत आहेत. वाळपई अग्निशमनचे जवान गंगाराम पावणे, प्रितेश गावकर, चालक तुळशीदास झर्मेकर यांनी दाबोस येथे मदत कार्य केले.
तसेच सायंकाळी चरावणे येथे वीज वाहिन्यांवर आंब्याची फांदी पडून वीज वाहिन्या तुटल्या. त्या ठिकाणीही जवानांनी धाव घेऊन मदत कार्य केले. दुपारी ऊन पडले होते. पुन्हा सायंकाळी चारच्या दरम्यान पावसाची रिमझिम सुरू होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.