Goa Crime: पर्यटकांची भररस्त्यावर तुंबळ हाणामारी; म्हापसा पोलिसांची कारवाई

Mapusa Police: मद्यधुंद स्थितीत धुमाकूळ; सहा जणांना अटक
Mapusa Police: मद्यधुंद स्थितीत धुमाकूळ; सहा जणांना अटक
Police actionCanva

अहमदनगर (महाराष्ट्र)मधून आलेल्या एका पर्यटकांच्या गटाने गिरी-म्हापसा सर्व्हिस रस्त्यावर मद्यधुंद स्थितीत धुमाकूळ घातला. गाडीमधील म्युझिक सिस्टमचा आवाज कमी केल्याचा राग अनावर झाल्याने, चालत्या गाडीतच वाद उफाळला. नंतर गाडी महामार्गालगत थांबवून शाब्दिक चकमक झाली; त्याचे रुपांतर हाणामारीत झाले.

म्हापसा पोलिसांनी या पर्यटकांनी दारू पिऊन सार्वजनिक स्थळी धिंगाणा घातल्याप्रकरणी सहा जणांविरोधात आयपी ॲक्ट अंतर्गत गुन्हा नोंदवून अटक केली.

उपलब्ध माहितीनुसार, अहमदनगर येथील महाराष्ट्र नोंदणीकृत जीपमधून हा पंधरा जणांचा पर्यटकाचा एक गट गोव्यात आलेला होता. पणजीच्या दिशेने जीपमधून जातेवेळी, या पर्यटकांमध्ये आपापसात वाद उफाळला. गाडीमधील म्युझिक सिस्टमचा आवाज कमी केल्याने संबंधितांत बाचाबाची झाली अन् वादाचे रुपांतर तुंबळ हाणामारीत झाले.

Mapusa Police: मद्यधुंद स्थितीत धुमाकूळ; सहा जणांना अटक
Goa Crime: ..आणखीन एक अज्ञात मृतदेह

या गाडीत चालकासह आठजण होते. हा प्रकार पाहून या मार्गावरून प्रवास करणारे लोकही थबकले. हे पर्यटक मद्यधुंद होते, असे प्रत्यक्षदर्शींचे म्हणणे होते. कालांतराने म्हापसा पोलिसांना या घटनेची माहिती मिळाल्यानंतर सर्व पर्यटकांना पोलिसांनी जीपसह स्थानकावर आणले. यामध्ये एकाला मारहाण झाली होती.

दरम्यान, गोव्यात येणारे पर्यटक मद्यधुंद अवस्थेत धिंगाणा घालत असल्याचे प्रकार दिवसेंदिवस वाढत वाढत आहेत

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com