Viral Video: मद्यधुंद युवतीचा धिंगाणा; पणजीत रस्ता रोखला

तिच्याबरोबर असणारा तिचा मित्रही मद्यधुंद अवस्थेत असल्याचे सांगितले जात आहे
Goa Drunk Tourist Girl
Goa Drunk Tourist Girl Dainik Gomantak

Drunk Tourist Girl Creates Ruckus: राज्यात ‘ड्रंक ॲंड ड्राइव्ह’मुळे अपघात वाढत असतानाच पणजी शहरात रविवारी (ता.२०) एका मद्यधुंद युवतीने रस्त्याच्या मधोमध धिंगाणा घातला.

रविवारी रात्री घडलेल्या या प्रकाराचा व्हिडिओ समाजमाध्यमात काही मिनिटांत व्हायरल झाला आहे. पोलिस आता या प्रकरणाची दखल घेणार की नाही, याबाबत चर्चा होत आहे.

Goa Drunk Tourist Girl
Droupadi Murmu Goa Visit: राष्ट्रपती आजपासून गोवा दौऱ्यावर; काही रस्त्यांवर वाहतुकीसाठी निर्बंध

राजधानीतील भाऊसाहेब बांदोडकर मार्गाच्या बाजूला असणाऱ्या कॅसिनोंच्या कार्यालयांचा परिसर सध्या मद्यधुंद व्यक्तींकडून गोंधळ घालण्याच्या प्रकारामुळे चर्चेत येत आहे.

गेल्या काही महिन्यांत याठिकाणी मद्यधुंद युवक-युवतींकडून धिंगाणा घालण्याचे प्रकार घडलेले आहेत. मद्यधुंद तरुणीचा भर रस्त्यात धिंगाणा घालतानाचा एक व्हिडिओ असून, नुकताच सोशल मीडियात व्हायरल झाला आहे.

हा व्हिडिओ काही मिनिंटांमध्येच हजारांहून अधिकजणांनी पाहिला आहे. दरम्यान, अशा पर्यटकांमुळेच राज्याची बदनामी होत असून, असे कृत्य करणाऱ्यांवर कठोर कारवाई करावी, अशा प्रतिक्रिया समाजमाध्यमांतून व्यक्त होत आहेत.

Goa Drunk Tourist Girl
Goa University Election: प्राध्यापकाला मारहाणीची धमकी; अभाविप कार्यकर्त्याचे कृत्य

मित्रही नशेत

मद्याच्या नशेत असलेली तरुणी एका चारचाकी वाहनाला अडवून ती त्यातील व्यक्तींशी हुज्जत घालत असल्याचे आणि ते वाहन निघून जाताना ती त्या वाहनावर हाताने मारत असताना दिसत आहे.

तिच्याबरोबर असणारा तिचा मित्रही मद्यधुंद अवस्थेत असल्याचे सांगितले जात आहे. त्यांनी ‘रेंट अ कॅब’ची कार घेतली होती.

वाहतूक कोंडी

मद्यधुंद युवतीने भर रस्त्यात घातलेल्या धिंगाण्यामुळे येथे काही काळ वाहतूक कोंडी झाली होती. ती तरुणी एवढ्या नशेत होती की स्वतःवर तिचे नियंत्रण राहिले नव्हते.

नशेमध्ये ती बडबड करीत होती आणि भररस्त्यात वाहनांना आडवी जात होती. अनेक वाहनधारकांना नेमके येथे काय चालले आहे, हे कळत नव्हते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com