पणजी: भारताचे पर्यटन आणि बंदरे, जहाजबांधणी आणि जलमार्ग राज्यमंत्री श्रीपाद नाईक यांनी गुरुवारी सांगितले की, राज्यातील अवैध आणि गुन्हेगारी यांचे प्रमाण वाढण्यामागे ड्रग्ज हे प्रमुख कारण आहे.
(Drugs are responsible for illegal activities in goa state says Minister of State for Waterways Shripad Naik )
पणजीत पत्रकारांशी संवाद साधताना नाईक म्हणाले की, पर्यटन स्थळांवरील धोक्याविरुद्धच्या लढ्यात केंद्र सरकार गोवा सरकारला आवश्यक ते सर्व सहकार्य करेल.
“अवैध आणि गुन्हेगारी कारवायामागे ड्रग्ज हे प्रमुख कारण आहे. गोव्याच्या पावलावर पाऊल ठेवत, केंद्र भारतभर पर्यटन क्षेत्रातील बेकायदेशीर कारवायांवर आळा आणण्याचा विचार करणार असल्याची माहिती त्यांनी दिली. अशा कारवाया आणि उपद्रव देशाचे नाव कलंकित करतात आणि मला असे वाटते की याला आळा घालण्याची गरज आहे,” असे ते म्हणाले.
नाईक, जे मातृभूमी सेवा प्रतिष्ठान, गोवाचे अध्यक्ष देखील आहेत, ते पुढे म्हणाले की संस्था 'आझादी का अमृत महोत्सव' साजरा करेल, हा भारत सरकारचा स्वातंत्र्याची ७५ वर्षे साजरी आणि स्मरणार्थ 'भारतमातेची प्रतिमा' देऊन साजरा करण्यात येणार आहे. गोव्यातील 75 मंदिरांमध्ये या वर्षी वेगवेगळे कार्यक्रम आयोजित केले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
