Goa Delegate at COP16: संयुक्त राष्ट्राच्या 16 व्या COP परिषदेत डॉ. प्रदीप सरमोकादम करणार गोव्याचं प्रतिनिधित्व

UN CoP16 Meet Colombia

कोलंबिया: कोलंबियात सुरू असलेल्या संयुक्त राष्ट्र संघाच्या कॉन्फरन्स ऑफ पार्टीज म्हणजेच CoP 16 या परिषदेचे गोव्यातील राज्य जैवविविधता मंडळाचे सदस्य डॉ. प्रदीप सरमोकादम यांना निमंत्रण आले आहे.

परिषदेत जैवविविधतेचे संवर्धन या विषयावर ते जगभरातील तज्ज्ञांसमोर मत व्यक्त करणार आहेत. पर्यावरण क्षेत्रात कार्यरत असलेल्या सरमुकादम यांनी गोव्याच्या शिरपेचात मानाचा तुरा रोवला आहे.

कोलंबियात संयक्त राष्ट्र संघाच्या जैवविविधतेचे अधिवेशन सुरू आहे. CoP 16 या अधिवेशनात जगाच्या कानाकोपऱ्यातील पर्यावरणतज्ज्ञ उपस्थित आहेत. एकीकडे जमिनीची धूप आणि समुद्र पातळीतील बदल होतायंत. दुसरीकडे लहरी हवामान आणि वाढते प्रदूषण यामुळे निसर्गाचे नुकसान होतेय आणि परिणामी जैवविविधतेसाठी धोका निर्माण झालाय याच मुद्द्यांवर चर्चा करण्यासाठी यंदाच्या अधिवेशनाची संकल्पना Make Peace With Nature अशी ठेवण्यात आली आहे.

डॉ. प्रदीप सरमोकादम म्हणतात की..

या जागतिक परिषदेमध्ये होणाऱ्या चर्चांमधून गोव्याला जैवविविधता संवर्धनासाठी काही धोरणे निश्चित करण्यास मदत मिळेल. या अधिवेशनातून गोव्यासाठी नक्कीच काही तरी शिकायला मिळेल.

मी काही चर्चासत्रांमध्येही सहभागी होणार आहे. यापूर्वी इजिप्तमधील अधिवेशनात मी उपस्थित होतो, असे मुकादम यांनी इंग्रजी वृत्तपत्राला सांगितले.