खांडोळा : भारतीय घटनेचे शिल्पकार असलेल्या डॉ. बाबासाहेबांनी विविध क्षेत्रांत चौफेर योगदान दिले. बहुजन समाजाला बळ दिले, त्यांच्या दूरदृष्टीमुळेच सामाजिक बदल झाले. त्यांचे विचार आत्मसात करणे गरजेचे असून त्यानुसार वागले पाहिजे, असे मत बेतकी-खांडोळा पंचायतीचे सरपंच विशांत नाईक यांनी व्यक्त केले.
यावेळी खांडोळा पंचायतीत डॉ. बाबासाहेब आंबेडकरांची जयंती विशेष कार्यक्रमानुसार साजरी करण्यात आली. यावेळी परिसरात स्वच्छता मोहीम राबविण्यात आली. सरपंच, पंच व ग्रामस्थांतर्फे परिसरातील कचरा गोळा करण्यात आला.
यावेळी पंच रमिता गावडे, पंच मनोज गावकर, मधू गावकर, सचिव रूपेश हळर्णकर, उमेश नाईक, विनित कुंडईकर, शर्मिला कुंडईकर, रमाकांत नाईक, रोहन देसाई, शुभम नाईक, मालकुम गावकर, पुतू घाडी, बापू रायमाने, ‘गोमन्तक’चे उपसंपादक संजय घुग्रेटकर उपस्थित होते. मान्यवरांच्या हस्ते बाबासाहेबांच्या फोटोला पुष्पहार अर्पण करण्यात आला.
मधू गावकर म्हणाले, बाबासाहेबांची मौलिक शिकवण आजही उपयोगी असून प्रत्येकाने शिकले पाहिजे.
‘डीडीएसएसवाय’चे नूतनीकरण
बेतकी - खांडोळा पंचायतीतर्फे लवकरच ‘डीडीएसएसवाय’ कार्डे नूतनीकृत करण्यात येणार आहेत. त्यासाठी लवकरच ती सुविधा पंचायतीत उपलब्ध करण्यात येणार आहे. त्यासंबंधीचे वेळापत्रक येत्या दोन दिवसांत जाहीर होईल, अशी माहिती सरपंच विशांत नाईक यांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.