Pernem Local Protest : राजधानी पणजीतून निघणाऱ्या आंतरराज्य एसटी बसेस पेडणे बसस्थानकावर न थांबता महाराष्ट्रात जातात. त्यामुळे या गाड्या पेडणे बसस्थानकावर वळवाव्यात, असे निवेदन पेडणेकरांनी उपजिल्हाधिकारी दीपक वायंगणकर यांना दिले होते. जर यावर कोणतीच कारवाई नाही झाली तर उपोषणाला बसण्याचा इशारा पेडणेवासियांनी दिला होता.
दिलेल्या निवेदनाची दखल न घेतल्याने अखेर आज (7 सप्टेंबर) पेडणेतील नागरिक उपजिल्हाधिकारी कार्यालयासमोर उपोषणाला सुरुवात केली. जोपर्यंत मागणी पूर्ण होत नाही तोपर्यंत उपोषण सुरूच ठेवणार असल्याचा इशारा नागरिकांनी दिला.
यानंतर उपजिल्हाधिकारी दीपक वायंगणकर यांनी नागरिकांची भेट घेतली. आपण महाराष्ट्र आणि गोव्यातील डेपोमध्ये बोललो असून, गाड्या बस स्थानकावर वळवण्यात येतील, तसेच यासाठी मार्गावर वाहतूक पोलीसही तैनात केले असल्याची माहिती त्यांनी दिली. त्यामुळे इथून पुढे पेडणे स्थानकावर गाड्या थांबतील, असे आश्वासन त्यांनी नागरिकांना दिले.
उपजिल्हाधिकाऱ्यांनी आश्वासन दिल्यानंतर पेडणेकरांनी आपले उपोषण मागे घेतले असल्याचे सांगण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
