Silly Souls Cafe & Bar : ‘सिली सोल्स’ सुनावणीवेळी लेखी युक्तिवाद सादर करण्याचे निर्देश

Silly Souls Cafe & Bar : केंद्रीय मंत्र्यांच्या कुटुंबीयांकडून कथितपणे चालवल्या जाणाऱ्या आसगाव येथील वादग्रस्त ‘सिली सॉल्स कॅफे अँड बार’ संदर्भात उत्पादन शुल्क आयुक्त नारायण गाड यांनी गेल्या वर्षी 20 ऑक्टोबर रोजी एक आदेश दिला होता. याविरुद्ध ॲड. आयरिश रॉड्रिग्ज यांनी दिलेल्या आव्हान अर्जावर मुख्य सचिवांनी दोन्ही पक्षांना 20 मार्चपर्यंत लेखी युक्तिवाद दाखल करण्याचे निर्देश दिले आहेत. त्यावरील सुनावणी 23 पर्यंत अंतिम सुनावणीसाठी ठेवली आहे.

उत्पादन शुल्क परवाना अँथनी डी गामाच्या नावावर असला तरी, जीएसटी क्रमांक तसेच सिली सॉल्स कॅफे अँड बारद्वारे वापरलेले अन्न आणि औषध परवाना हे सर्व एइटॉल फूड अँड बेव्हरेजेसच्या नावावर आहे, जे कार्यरत आहे. उग्रया मर्चंटाईल प्रा. लि. या कंपनीच्या केंद्रीय मंत्र्यांचे पती हे संचालक आहेत, असा युक्तिवाद ॲड. रॉड्रिग्ज यांनी केला.

एटॉल फूड अँड बेव्हरेजेसचा सिली सोल्स कॅफे अँड बारशी अँथनी डीगामाच्या कुटुंबाशी काहीही संबंध नाही. उत्पादन शुल्क परवाना कायदेशीरपणेच घेण्यात आला आहे, असा युक्तिवाद डिगामा यांच्या वकिलांनी केला. मुख्य सचिवांनी दोन्ही पक्षांची काही वेळ बाजू ऐकून घेतल्यानंतर त्यांना लेखी युक्तिवाद सादर करण्यास सांगितले.