Dicholim: डिचोलीत बगलमार्गाचे काम सध्या युद्धपातळीवर

Dicholim: बोर्डे येथील ‘उड्डाणपुला’चे काम जवळपास पूर्ण झाले आहे.
Dicholim Road
Dicholim RoadDainik Gomantak

Dicholim: राज्य महामार्गांतर्गत येणाऱ्या डिचोलीतील बगलमार्गाचे काम सध्या युद्धपातळीवर सुरू आहे. डिचोली- लाडफे मार्गावरील पिराचीकोंड येथे ‘उड्डाणपुला’चे काम हाती घेण्यात आले असून, या बांधकामासाठी रस्ता कापण्यात येत आहे.

राज्य महामार्गा अंतर्गत व्हाळशी-ते वाठादेवपर्यंत बगलमार्ग येत आहे. या बगलमार्गावर बोर्डे आणि पिराची कोंड येथे येणारा रस्ता कापून त्याठिकाणी ‘उड्डाणपूल’ बांधण्यात येत आहेत. पैकी बोर्डे येथील ‘उड्डाणपुला’चे काम जवळपास पूर्ण झाले आहे. आता डिचोली-लाडफे मार्गावरील पिराचीकोंड येथे ‘उड्डाणपूल’ बांधण्यात येत आहे.

दरम्यान, व्हाळशी ते वाठादेवपर्यंत सुमारे ९ किमी. अंतराचा बगलमार्ग लवकर पूर्ण व्हावा, त्यासाठी संबंधित खात्याचे जोरदार प्रयत्न सुरू आहेत. बगलमार्गाचे काम करताना जनतेला त्रास होऊ नये. यादृष्टीने डिचोलीचे आमदार डॉ. चंद्रकांत शेट्ये हेही या कामावर लक्ष ठेवून आहेत.

Dicholim Road
Goa: वेश्‍याव्यवसायाचा ‘हरमल’ला विळखा!

पिराचीकोंड येथे पथदीपांची सोय करा!

डिचोली-लाडफे रस्त्यावरून ये-जा करणाऱ्या वाहनांना पिराचीकोंड येथे पर्यायी रस्त्याने वाहतूक करावी लागणार आहे. या सर्व्हिस रोडच्या बाजूने विजेच्या दिव्यांची सोय नसल्याने गोंधळ उडण्याची शक्यता आहे. या रस्त्याच्या दुतर्फा पथदीपांची व्यवस्था करावी, अशी वाहनचालकांकडून मागणी होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com