Bicholim Road Issue: डिचोलीतील खोदलेला रस्ता पूर्ववत करण्याची मागणी

Bicholim Road Issue: पावसाळ्यातील धोका कमी करण्यासाठी आणि डिचोली ते मये वाहतूक कोंडी टाळण्यासाठी सोनार पेठ-डिचोली येथे भूमिगत विजवाहिन्या घालण्यासाठी खोदलेला रस्ता लवकरात लवकर पूर्ववत करावा, अशी मागणी डिचोली व मये येथील रहिवाशांनी विद्युत विभागाच्या अधिकाऱ्यांकडे केली आहे.

गेल्या अनेक महिन्यांपासून सोनार पेठ-डिचोली येथे भूमिगत वीज केबल रिस्टोरेशन बॉक्स बसविण्याचे काम सुरू आहे. येथून हा रस्ता मये येथे जातो. परंतु हा रस्ता अरुंद असून येथून दिवसाकाठी हजारो वाहने ये-जा करत असतात.

यामुळे या रस्यावर नेहमीच वाहतूक कोंडी होत असते. शिवाय हे काम पावसाळा होण्यापूर्वी संपुष्टात न आल्यास येथील भाग चिखलमय होऊन वाहनचालकांस आणि विशेषता पादचाऱ्यांस बराच त्रास सहन करावा लागणार आहे.

त्यामुळे वाहतूक कोंडीमुळे वाहनचालकांना होणारा त्रास टाळण्यासाठी वीज विभागाने हे काम जलदगतीने हाती घेऊन पूर्ण करावे, अशी मागणी रहिवाशांनी केली आहे.