Delilah Lobo on Anjuna Tourist Attacked: हणजूण येथे दिल्लीच्या पर्यटकांवरील हल्ल्याला स्थानिक जबाबदार आहेत तितकेच पर्यटकही जबाबदार आहेत. त्यामुळे पर्यटकांनी दगडफेक करून केलेला हल्लाप्रकरणी स्थानिकांची तक्रार दाखल करून पर्यटकांविरुद्धही गुन्हा दाखल करावा.
या हल्ल्याला कारणीभूत असलेल्यांविरुद्ध पोलिसांनी कारवाई करून समान न्याय द्यावा, अशी मागणी शिवोलीच्या आमदार दिलायला लोबो यांनी पोलिस अधीक्षक निधीन वाल्सन यांची भेट घेऊन केली.
पत्रकारांशी बोलताना त्या म्हणाल्या की, पर्यटकांची तक्रार दाखल करून पोलिसांनी हणजूण येथील स्थानिक संशयितांना गजाआड केले आहे. ते अजूनही कोठडीत आहेत. हा हल्ला पर्यटकांनी दिलेल्या चेतावणीमुळे घडला.
पर्यटक ज्या हॉटेलमध्ये उतरले तेथे रॉयस्टन कामाला होता. यावेळी त्यांच्यात व पर्यटकांमध्ये हॉटेलच्या नियमांवरून बाचाबाची झाली होती. हॉटेल व्यवस्थापकाने रॉयस्टन याला घरी पाठवले होते. मोबाईलचा चार्जर विसरल्याने तो हॉटेलमध्ये आले असता त्या पर्यटकांच्या जमावाने पुन्हा त्याच्याशी हुज्जत घातली व त्यानंतर हा सर्व प्रकार घडला आहे, असेही लोबो म्हणाल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
