Goa Accident | Anand Vishwakarma death
Goa Accident | Anand Vishwakarma death Dainik Gomantak

Goa Accident: भावाला भेटण्यासाठी यूपीतून गोव्यात आलेल्या भाजपा पदाधिकाऱ्याचा मृत्यू; प्राण्याला वाचवताना दुचाकीचा अपघात

उत्तर प्रदेशातील गावावर शोककळा
Published on

Goa Accident: गोव्यात सुट्टीसाठी आलेल्या भाजप युवा मोर्चाचे उत्तर प्रदेशातील नेते आनंद विश्वकर्मा यांचा अपघाती मृत्यू झाला आहे. रस्त्यावरून दुचाकीवरून जाताना जनावर आडवे आल्याने त्यांची दुचाकी घसरली. त्यातच त्यांचा मृत्यू झाला.

आनंद विश्वकर्मा (28) हे उत्तर प्रदेशातील मऊ जिल्ह्यातील सराया हलिमाबाद येथील रहिवासी होते. ते भाजयुमोचे जिल्हा मंत्री होते.

Goa Accident | Anand Vishwakarma death
Goa Rain: गोव्यात पावसाला सुरवात; कळंगुटमध्ये घरावर झाड कोसळून 2 लाखाचे नुकसान

शुक्रवारी सायंकाळी उशिरा त्यांच्या दुचाकीचा अपघात झाला होता. त्यानंतर त्यांना रुग्णालयात दाखल केले होते. पण उपचार सुरू असताना त्यांचा मृत्यू झाला.

2 जून रोजी आनंद सुट्टीसाठी आणि मोठ्या भावाला भेटण्यासाठी गोव्यात आले होते. त्यांच्या अपघाताची माहिती मिळताच त्यांच्या कुटुंबीयांमध्ये सन्नाटा पसरला. त्यांच्या उत्तर प्रदेशातील निवासस्थानाबाहेर समर्थक आणि चाहत्यांनी गर्दी केली होती.

संपूर्ण गावात शोककळा पसरली आहे. विश्वकर्मा हे कर्हा येथे कोचिंग सेंटर चालवत होते.

शुक्रवारी, २ जून रोजी दुपारी मित्रासोबत दुचाकीवरून खरेदीसाठी जात असताना बाईकसमोर अचानक एक प्राणी आला.

Goa Accident | Anand Vishwakarma death
Panaji News : कदंब गाड्यांची अनुपलब्धता खासगी बसमालकांच्या पथ्यावर

ब्रेक मारूनही दुचाकी जनावरावर आदळली आणि घसरली. या अपघातात आनंद गंभीर जखमी झाला.

स्थानिक लोकांनी पोलिसांच्या मदतीने जखमींना रुग्णालयात दाखल केले. माहिती मिळताच आनंद यांचा मोठा भाऊ हॉस्पिटलमध्ये पोहोचला. तथापि, उपचारादरम्यान आनंद यांचा मृत्यू झाला. चार भावंडांमध्ये आनंद सर्वात लहान होता. त्याचे लग्न झालेले नव्हते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com