केपेत अज्ञात पुरुषाचा कुजलेल्या अवस्थेत मृतदेह आढळला

मडगाव: केपे येथील जंगल परिसरात पोलिसांना अज्ञात पुरुषाचा कुजलेल्या अवस्थेत मृतदेह रविवारी आढळून आला. केपे पोलिस ठाण्याचे पोलिस निरीक्षक दीपक पेडणेकर यांनी दिलेल्या माहितीनुसार , काजूच्या झाडाच्या फांदीला नायलॉनच्या दोरीने लटकलेल्या अवस्थेत मृतदेह आढळून आला. (Death body found hanging in Quepem, Goa)

पंचनामा करून मृतदेह दक्षिण गोवा (South Goa) जिल्हा रुग्णालयात पाठवण्यात आल्याचे त्यांनी सांगितले. पीएसआय वेरोनिका कौटिन्हो आणि कर्मचाऱ्यांनी घटनास्थळी भेट देऊन सर्व कायदेशीर औपचारिकता पार पाडल्या.

पोलिसांनी दिलेल्या माहितीनुसार, केपे येथील झेवियर परेरा नावाच्या व्यक्तीला जंगलात एका काजूच्या झाडाला (Tree) लटकलेला मृतदेह दिसला. याबाबत त्याने पोलिसांना (Police) माहिती दिली. मृत व्यक्तीच्या अंगात पातळ पिवळा टी-शर्ट आणि जीन पेंट असल्याचे पोलिसांनी सांगितले. त्याच्या जवळ कोणतेही पत्र सापडलेले नाही. पीआय दीपक पेडणेकर यांच्या देखरेखीखाली पीएसआय कौटिन्हो तपास करत आहेत.