भिरोंडा सत्तरी येथे एक अर्धा कापलेला मृतदेह आढळून आल्याची घटना उघडकीस आली आहे. या घटनेने परिसरात खळबळ माजली असून वाळपई पोलिस व अग्निशमन दलाचे जवान घटनास्थळी दाखल झाले आहेत. हा मृतदेह भिरोंडा सत्तरी येथे म्हादई नदीत आढळला आहे.
याबाबत अधिक माहिती अशी की, भिरोंडा सत्तरी येथे म्हादई नदीत अर्धा कापलेल्या अवस्थेत एक मृतदेह आढळून आला. याबाबतची माहिती मिळताच वाळपई पोलिस व अग्निशमन दलाचे जवान घटनास्थळी दाखल झाले.
अग्निशमन दलाच्या जवानांनी नदीतून मृतदेह बाहेर काढत ताब्यात घेतला. मृतदेहाचा वाळपई पोलिसांनी पंचनामा केला असून पुढील तपास करीत आहेत. मृतदेहाची ओळख अद्याप पटलेली नाही आहे.
दरम्यान अशीच एक मृतदेह आढळल्याची घटना शनिवारी म्हापसा येथील नवीन बसस्थानकाच्या जवळील खुल्या शेतजमिनीत उघडकीस आली होती. मृतदेहाच्या गळ्यावर वार केल्याचे दिसून आले होते. या प्रकरणी म्हापसा पोलिसांनी अज्ञात संशयितांविरूद्ध खुनाचा गुन्हा दाखल केला.
नबीन बी. के. (32) या नेपाळी तरुणाचा गळ्यात फुटलेली बाटली घुसवून खून करण्यात आला. नबीन हा ‘टफ सिक्योरिटी’ या सुरक्षा रक्षक पुरवठादार कंपनीचा कामगार आहे. या खूनप्रकरणी पोलिसांनी तिघांना ताब्यात घेतले असून त्यांची चौकशी सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.