Ponda: बाणस्तरी येथे पत्नीचा गळा आवळून खून, छत्तीसगड येथील इसमाला अटक

बाणस्तरी येथून एक धक्कादायक घटना समोर आली आहे. पतीने पत्नीचा गळा आवळून खून केल्याची घटना शनिवारी रात्री उघडकीस आलीय.

(Ponda police arrest Chhattisgarh person for allegedly killing his wife by strangulating her at Banastarim)

मिळालेल्या माहितीनुसार, शनिवारी रात्री पत्नीचा गळा आवळून खून केल्याप्रकरणी फोंडा पोलिसांनी त्योफिल लकारा (वय 44, रा. छत्तीसगड) याला अटक केली आहे. मेलो लकारा असे मृत झालेल्या महिलेचे नाव आहे.

पोलिसांनी बेतकी येथील प्राथमिक आरोग्य केंद्रात मृत महिलेचा मृतदेह शवविच्छेदनासाठी पाठवला. शवविच्छेदन अहवालात हा मृत्यू हत्येमुळे झाल्याचे म्हटले आहे. मृत महिलेच्या संशयित पतीला फोंडा पोलिसांनी अटक केली असून, पुढील तपास सुरू आहे.