Darshan Misal: विजय हजारे करंडक स्पर्धेसाठी गोव्याचा संघ जाहीर; दर्शन मिसाळ कर्णधार

Darshan Misal: मुंबई येथे 23 नोव्हेंबर ते 5 डिसेंबर 2023 या कालावधीत आयोजित करण्यात आलेल्या विजय हजारे करंडक स्पर्धेसाठी गोवा संघाची निवड करण्यात आली आहे. भारतीय क्रिकेट नियामक मंडळातर्फे (बीसीसीआय) या स्पर्धेचे आयोजन करण्यात येते.

दरम्यान, या स्पर्धेत सहभागी होणाऱ्या गोव्याच्या वरिष्ठ पुरूष संघाचे नेतृत्व क्रिकेटपटू दर्शन मिसाळ करणार आहे. तर दीपराज गावकर याची उपकर्णधार म्हणून नियुक्ती करण्यात आली आहे.

असा आहे संघ :

इशान गाडेकर, राहुल त्रिपाठी, केव्ही सिद्धार्थ, सुयश प्रभुदेसाई, दर्शन मिसाळ (कर्णधार), दीपराज गावकर (उपकर्णधार), मंथन कुटकर, मोहित रेडकर, अर्जुन तेंडुलकर,

समर दुभाषी (विकेटकीपर), शुभम तारी, विकास सिंग, स्नेहल कौठणकर, विजेश प्रभुदेसाई, लक्ष्य गर्ग आणि हेरंब परब.