Crocodile Attack: काळी नदीतील मगर हल्ल्यात एक ठार

दांडेली येथे काळी नदीत आंघोळीसाठी उतरलेल्या एकावर दोन मगरींनी हल्ला केला असून, या हल्ल्याच एकाचा मृत्यू झाला असल्याची माहिती समोर आली आहे.

(Dandeli kali river one killed in crocodile attack)

मिळालेल्या माहितीनुसार गोवा कर्नाटक सीमेवर असणाऱ्या दांडेली येथे ही घटना घडली असून यामध्ये काळी नदीत तांबर दास माहेश्वरी (वय 62 रा.आंबेवाडी दांडेली ) हे अंघोळीसाठी उतरले होते. यावेळी दोन मगरींनी त्यांच्यावर हल्ला केला आणि माहेश्वरी यांना पाण्यात सुमारे 300 मिटर खोल फरफटत नेले. यात त्यांचा मृत्यू झाला आहे. मगरीने मृतदेह खोल पाण्यात नेल्याने तो बराच वेळ मिळाला न्हवता मात्र सध्या तो मिळाला आहे.

घटनास्थळी असलेल्या काही नागरिकांनी माहिती दिली की, काळी नदीच्या पाण्यात मोठ्या प्रमाणात मगरी आहेत. यापूर्वी ही अशा चार ते पाच घटना घडल्या आहेत. या घटनेबाबत वन खात्याला कळविले आहे. तसेच घटनास्थळी पोलिस ही दाखल झाले आहेत.