दामोदर मावझो: ज्ञानपीठ पुरस्कार विजेत्या कोंकणी लेखकाविषयी जाणून घ्या

मडगाव : कोंकणीतील नामवंत कादंबरीकार आणि प्रागतिक विचारांचे साहित्यकार म्हणून प्रसिद्ध असलेले दामोदर मावझो (Damodar Mauzo) याना 2021 वर्षीचा साहित्य क्षेत्रातील सर्वोच्च असा ज्ञानपीठ पुरस्कार जाहीर करण्यात आला आहे. ज्ञानपीठ मिळविणारे मावझो हे कोकणीतील दुसरे साहित्यिक असून 2006 साली रवींद्र केळेकर याना हा पुरस्कार जाहीर झाला होता.

मावझो हे कोकणीतील प्रसिद्ध कथाकारही असून त्यांचे साहित्य वेगवेगळ्या भाषांतून प्रसिद्ध झाले असून त्यामुळे आंतरराष्ट्रीय स्तरावरही त्यांनी स्थान मिळविले आहे. या पुरस्कारामुळे कोकणी साहित्य विश्वात एक प्रकारचे चैतन्याचे वातावरण पसरले आहे.