Goa Politics: कुंकळ्ळीचे नगरसेवक उद्देश नाईक देसाई यांची गोवा फॉरवर्डमधून हकालपट्टी!

गोवा: कुंकळ्ळीमधील नगरसेवक उद्देश नाईक देसाई यांची गोवा फॉरवर्डमधून हकालपट्टी करण्यात आलेली आहे. दरम्यान, पालिकेतील भाजपच्या नगरसेवकांशी हातमिळवणी केल्याचे कारण समोर आलेले आहे.

(cuncolim corporator Prakhap Naik Desai's expulsion from Goa forward)

गोवा फॉरवर्ड पक्षाचे विद्यार्थी विभाग प्रमुख उद्देश भिकू नाईक देसाई यांनी पक्ष विरोधी कारवाया केल्याचा आरोप ठेवून आज त्यांना पक्षातून बडतर्फ करण्यात आले. गोवा फॉरवर्डचे उपाध्यक्ष दुर्गादास कामत यांनी आज हा आदेश जारी केला.

देसाई यांच्यावर त्यांनी भाजपशी हातमिळवणी केल्याचा आरोप ठेवण्यात आला आहे. देसाई हे कुंकळ्ळीचे नगरसेवक असून कुंकळ्ळीचे नगराध्यक्ष लक्ष्मण नाईक यांच्यावर सहा भाजप नगरसेवकानी अविश्वास ठराव आणला आहे. त्याला देसाई यांनीही पाठिंबा दिला असून त्यांनी या अविश्वास ठरावावर सही केली आहे.

यांनी केला भाजप प्रवेश

भाजपच्या कार्यालयात मुख्यमंत्री डॉ. प्रमोद सावंत आणि दिगंबर कामत यांच्या उपस्थितीत दामोदर शिरोडकर, दामोदर परब, दीपाली सावळ, सिताराम गडेकर, सगुण नाईक, लता पेडणेकर, सेंड्रा फर्नांडिस या काँग्रेस पुरस्कृत नगरसेवकांसह राजू नाईक या गोवा फॉरवर्डच्या नगरसेवकांनी भाजपात प्रवेश केला. 16 सप्टेंबर रोजी झालेल्या नगराध्यक्षपदाच्या निवडणुकीत क्रॉस व्होटिंग झाल्याने आता या नगरसेवकांना रीतसर भाजपात प्रवेश देण्यात आला आहे.

गोवा फॉरवर्ड पार्टीला खिंडार; 7 नगरसेवक भाजपमध्ये दाखल

नगरपालिका कायदा दुरुस्तीनंतर काँग्रेस आणि गोवा फॉरवर्डच्या नगरसेवकांना रीतसर भाजपात प्रवेश देण्यात आला आहे. त्यामुळे भाजपने मडगाव नगराध्यक्षपदाचा मार्ग मोकळा करून घेतला आहे. यावर आता विरोधकांनी टीकास्त्र सोडले आहे.

निराश आणि अस्वस्थ झालेल्या दिगंबर कामत आणि भाजपने हे पद आपल्याकडे यावे यासाठी आटापिटा सुरू केला आहे. नगराध्यक्षपदाची निवडणूक गुप्त पद्धतीने न घेता हात वर करून घ्यावी अशी कायदा दुरुस्ती शुक्रवारी 7 ऑक्टोबरला केल्यानंतर आता काँग्रेसचे 6 आणि गोवा फॉरवर्डच्या एका नगरसेवकाला रीतसर भाजपात प्रवेश देऊन आपले संख्याबळ 16 केले आहे. त्यामुळे मडगाव नगरपालिकेच्या नगराध्यक्षपदाचा भाजपचा मार्ग मोकळा झाला आहे. बुधवारी, 12 ऑक्टोबरला नगराध्यक्षपदाची निवडणूक होणार आहे.