गोवा: आज पहाटे दोन चोरट्यांनी कुंकळ्ळ्ये, म्हार्दोळ येथे एका दुकानदारावर हल्ला केला. पहाटे 3 च्या सुमारास झालेल्या हल्ल्यात गुरुदास असे किराणा दुकान मालक जखमी झाले असून त्यांना रुग्णालयात दाखल करण्यात आले आहे. दोन अज्ञात हल्लेखोरांनी त्यांनी वापरलेल्या दुचाकी हल्ल्याच्या ठिकाणी फेकून घटनास्थळावरून पळ काढला.
(Cuncoliem, Mardol shopkeeper attacked by robbers in the wee hours today)
फोंडा पोलिस स्थानकाच्या हद्दीत काल बुधवारी रात्री तीन चोऱ्या झाल्या असून तिन्ही चोर्‍यामध्ये एकाच टोळक्याचा हात आहे का अशी चर्चा सध्या तालुक्यात सुरु आहे. खांडोळा - माशेल येथील गणपती मंदिर तसेच कुंकळ्ये येथे दुकान फोडीचा अयशस्वी प्रयत्न झाला मात्र झटापटीत दुकानदार जखमी झाला.
तिसरी मोठी चोरी तिस्क - उसगाव येथे झाली असून चोरट्यांनी एचडीएफसी आणि कॅनरा बँक अशा दोन बँकांची एटीएम रात्री पळवली. चोरट्यांनी जवळच असलेल्या कुळण येथे रस्त्याच्या कडेला असलेल्या निर्मनुष्य ठिकाणी ही एटीएम फोडली. दोन्ही एटीएम मधून किती पैसे पळवले ते समजू शकले नाही. कुंकळ्ये - म्हार्दोळ नारायणवाडा येथे रात्री एका दुकानात शिरुन चोरीचा अयशस्वी प्रयत्न केला मात्र दुकानदाराला संशय आल्याने त्याने धाव घेतल्याने चोरट्यांनी फ्रीजमधील बाटल्यांचा मारा त्याच्यावर केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
