वाळपई, बालपणापासूनच जर योग्य संस्कार, शिस्त व मेहनत करायची सवय लागल्यास जीवन सफल होते, असे उद््गार उद्योजक परेश पै कुचेलकर यांनी काढले.
डॉ. केशव बळीराम हेडगेवार प्राथमिक शाळेच्या बक्षीस वितरण सोहळ्यात ते बोलत होते. यावेळी समुपदेशक उदय सावईकर, व्यवस्थापन समितीचे अध्यक्ष डॉ. अशोक आमशेकर, सचिव प्रकाश गाडगीळ, मुख्याध्यापिका नीलांगी शिंदे, पालक शिक्षक समितीच्या अध्यक्षा प्रियदर्शिनी देसाई उपस्थित आदी उपस्थित होते.
पैकुचेलकर यांनी यावेळी आपल्या बालपणीच्या आठवणींना उजाळा दिला. खूप कष्टाने आपण इथपर्यंत पोहोचलो असे सांगितले.
उदय सावईकर यांनी गोष्टीतून कष्टाचे फळ गोड असते हा मोलाचा सल्ला मुलांना दिला. यावेळी विविध स्पर्धांतील विजेत्यांना बक्षिसे वितरित करण्यात आली.
तसेच शारदोत्सवाचे औचित्य साधून पालकांसाठी घेतलेल्या वेगवेगळ्या स्पर्धांचे बक्षिस वितरणही यावेळी झाले. सूत्रसंचालन शिक्षिका प्रांजल च्यारी यांनी केले. शिक्षिका निविदा देसाई यांनी कार्यक्रमाची व्यवस्था पाहिली. आभार प्रदर्शन शिक्षक विठोबा नाईक यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.