पणजी : ड्रग्जप्रकरणी रशियन नागरिक संशयित अँड्रे डिमिन्स याच्याविरुद्ध नार्कोटिक्स कंट्रोल ब्युरोने (एनसीबी) केलेली कारवाई पुराव्यासह स्पष्ट होत आहे. संशयिताजवळ दोन वेगवेगळे पासपोर्ट आहेत. तो राहत असलेल्या जागेत गांजाची रोपटी लावलेली सापडली होती. त्यामुळे तो ड्रग्स व्यवहारात असल्याचे आढळून येत आहे. त्यामुळे त्याला जामीन देणे योग्य होणार नाही असे निरीक्षण करत म्हापसा न्यायालयाने त्याचा जामिनाचा अर्ज फेटाळला.
एनसीबीने 29 एप्रिल 2023 रोजी आश्‍वे बीच येथे संशयित अँड्रे डिमिन्स व त्याचा साथीदार आकाश म्हार्दोळकर याला ताब्यात घेतले होते. तो राहत असलेल्या ठिकाणी झडती घेण्यात आली, तेव्हा 8.8 ग्रॅम कोकेन, 16.49 हशिश, 410 ग्रॅम गांजाची रोपटी, 0.88 ग्रॅम एलएसडी ब्लॉटस् व 1.440 किलो गांजा सापडला होता.
एनसीबीच्या अधिकाऱ्यांना या दोघांविरुद्ध गुन्हा दाखल करून अटक केली होती. त्यावर संशयित आकाश म्हार्दोळकर याने संशयिताविरुद्ध दिलेली जबानी हा पुरावा धरता येत नाही. संशयित गेल्या अनेक वर्षांपासून गोव्यात असल्याने तो पळून जाण्याची शक्यता नाही. त्यामुळे न्यायालयाने त्याला शर्ती व अटी घालून जामीन द्यावा, अशी विनंती संशयिताच्या वकिलाने केली कोर्टाकडे केली होती.
इतर विक्रेत्यांना करत असे विक्री
एनसीबीच्या वकिलांनी सांगितले, की डिमिन्सजवळ सापडलेले दोन वेगवेगळे पासपोर्ट दोन वेगवेगळ्या देशांचे आहेत. तो ड्रग्स विक्रेता होता व इतर विक्रेत्यांना ड्रग्ज पुरवठा करत होता. आकाश याने त्याच्याकडून ड्रग्ज घेतले होते, असे चौकशीत उघड केले होते. यावरून संशयित अँड्रे डिमिन्स हा ड्रग्स व्यवसायात असल्याचे उघड होते, अशी बाजू न्यायालयात मांडण्यात आली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.