Pomburpa: खोल विहीरीत पडली गाय, रस्सी लावून सुखरूप काढले बाहेर

पोम्बुर्फा येथे खोल विहीरीत एक गाई पडली, विहीर आकाराने चिंचोळी आणि खोल असल्याने गाईला आतमध्ये फिरता येत नव्हते. बराच काळ विहीत अडकून पडल्यानंतर अग्निशमन दल आणि स्थानिकांच्या मदतीने गाईला सुखरूप बाहेर काढण्यात आले. रविवारी (दि.०२) सकाळी नऊच्या सुमारास ही घटना घडली.

पोम्बुर्फा येथे सकाळी नऊच्या सुमारास खोल विहीरीत एक गाई पडली असल्याची माहिती पर्वरी अग्निशमन दलाला मिळाली. दलाचे जवान तात्काळ घटनास्थळी दाखल झाले. पण विहीर आकाराने लहान आणि चिंचोळी असल्याने बचावकार्याला अडथळा येत होता.

अखेर, स्थानिक मदतीला धावले आणि त्यांनी विहीर अडकलेल्या गाईच्या अंगाभोवती घठ्ठ रस्सी बांधली. अर्धा ते पाऊण तासांच्या अथक प्रयत्नानंतर गाईला सुखरूप बाहेर काढण्यात यश आले.

गाई सुखरूप असली तरी बराच काळ विहीर असल्याने तिच्या शरिरावर किरकोळ जखम झाली आहे. शिवाय विहीर हालचाल होत नसल्याने गाई काहीकाळ अस्वस्थ देखील झाली होती.

दरम्यान, घटनेची माहिती मिळताच बार्देश येथील गोसेवा पुरविणारी एक सस्वंसेवी संस्था देखील घटनास्थळी दाखल झाली होती.