राज्यात कोविड रुग्ण वाढत आहेत; मात्र सध्यातरी कोणतेही निर्बंध नाहीत

गोवा: राज्यात कोविड रुग्ण वाढत आहेत मात्र सध्यातरी कोणतेही निर्बंध असणार नाहीत. आशी माहिती आरोग्यमंत्री विश्वजीत राणे यांनी दिली. मात्र नागरिकांनी स्वत:हून मार्गदर्शक तत्वे पाळावी असे आवाहन त्यांनी केले. बालचिकित्सकांच्या क्लिनिकमध्येही कोविड लसीकरणास मान्यता देण्यात आल्याचे आरोग्यमंत्री विश्वजीत राणे यांनी स्पष्ट केले.

(covid patients are on the rise in the state; But at present there are no restrictions)

कोरोना बाधितांची वाढती संख्या आणि संभाव्य चौथ्या लाटेची शक्यता गृहित धरून राज्य सरकारच्या आरोग्य विभागाने रविवारी राज्यभर टिका उत्सव आयोजित केला होता. मात्र, या उत्सवाला नागरिकांकडून अपेक्षित प्रतिसाद मिळाला नाही. प्रशासनाकडून वारंवार आवाहन करूनही अद्यापही 1 लाख 76 हजार नागरिकांनी कोरोनाचा बूस्टर डोस घेतलेला नाही. केवळ 2 हजार 721नागरिकांनी बूस्टर डोस घेतला. आरोग्यमंत्री विश्‍वजित राणे यांनीही पणजीच्या प्राथमिक आरोग्य केंद्रांवर जाऊन बूस्टर डोस घेतला.

याशिवाय प्रामुख्याने साठ वर्षावरील जेष्ठ नागरिक, आरोग्य कर्मचारी, फ्रन्टलाइन वर्कर यापूर्वीच्या विविध आजाराने आजारी असलेले नागरिक यांना बूस्टर डोस घेणे अत्यावश्यक आहे. मात्र, नागरिक टाळाटाळ करत आहे. ही बाब जीवघेणी असू शकते. त्यामुळे डोस घ्यावेत असे आवाहन प्रशासनाच्या वतीने लसीकरण प्रमुख डॉ. राजेंद्र बोरकर यांनी केले आहे.

सक्रिय रुग्णांची संख्या 262

राज्यात आज कोरोनाचे नवे 62 रुग्ण सापडले असून संक्रमणाचा दर वाढून 7.05 टक्के इतका झाला आहे. तर सक्रिय रुग्णांची संख्या पुन्हा शंभराच्यावर जावून 328 झाली आहे. राज्यात आतापर्यंत 2 लाख 46 हजार 115 नागरिकांना कोरोनाची बाधा झाली असून यापैकी 2 लाख 41 हजार 955 रुग्ण बरे झाले. काल दिवसभर 915 संशयित रुग्णांच्या चाचण्या घेण्यात आल्या.