गोव्यात पहिल्याच पावसात राज्यभरातील रस्त्यांचे हॉटमिक्सिंग वाहून गेले आहे. राजधानीतील प्रमुख रस्त्यांची अत्यंत वाईट अवस्था झाली आहे. मुख्य रस्त्यांवरच मोठे खड्डे पडल्यामुळे वाहनचालकांना आणि रस्त्यावरून ये-जा करणाऱ्यांना अडचणींचा सामना करावा लागत आहे. याबद्दल सार्वजनिक बांधकाम मंत्री नीलेश काब्राल यांनी कंत्राटदारांच्या वतीने जनतेची माफी देखील मागितली.
(Contractors for road works in Panaji suspended for two years nilesh cabral's action)
बांधकाम विभागाच्या निकृष्ट कामगिरीबद्दल नागरिकांनी तीव्र नाराजी व्यक्त केली. परिणामी मंत्री नीलेश काब्राल यांनी अत्यंत मोठा निर्णय घेतला आहे. पणजीमधील रस्त्यांची कामे करणाऱ्या कंत्राटदार सी. ए. इब्राहिम यांचा बांधकाम परवाना तब्बल दोन वर्षांसाठी निलंबित करण्यात आला असून त्यांच्याकडून इतर कामेदेखील काढून घेण्यात आली आहेत.
रस्त्यांच्या निकृष्ट कामाबद्दल कंत्राटदाराचा परवाना जरी रद्द केला असला, तरी ज्यांच्या निगराणीखाली ही कामे होतात, त्या अधिकाऱ्यांवर मात्र अजून कोणत्याही प्रकारची कारवाई करण्यात आलेली नाही. ज्यांना जबाबदार धरणे अत्यंत गरजेचे आहे, असे अधिकारी मात्र या सगळ्यात नामानिराळे राहिले आहेत. त्या अधिकाऱ्यांवर कारवाई कधी होणार ? असा सवाल या निमित्ताने उपस्थित होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.