फातोर्डा येथे इमारतीवरून पडून बांधकाम कामगाराचा मृत्यू

Fatorda : कुंकळ्ळी येथील पोलिस (police) स्थानकात आयडीसी कुंकळ्ळी येथील वसाहतीत एका आस्थापनाचे बांधकाम करीत असताना एका कामगाराचा खाली पडून मृत्यू झाल्याची तक्रार नोंद झाली आहे. पोलिसांनी दिलेल्या माहितीनुसार, गणेश यादव (वय 47, रा. मूळ उत्तरप्रदेश) हा कामगार कुंकळ्ळी येथील औद्योगिक वसाहतीत एका बांधकाम प्रकल्पाचे दुरुस्तीचे काम करीत होता.

यावेळी इमारतीच्या एका मजल्यावरून तो खाली पडला आणि त्याला गंभीर दुखापत झाली होती. उपचारासाठी त्याला बाळ्ळी येथील प्राथमिक आरोग्य केंद्रात दाखल केले असता डॉक्टरांनी त्याला मृत घोषित केले.