फातोर्डा : मडगाव नगरपालिकेचा कोणताही अधिकृत परवाना नसताना कदंब बस स्थानकावर स्थापित करण्यात आलेल्या चहा विक्रीच्या गाड्याला मडगाव नगरपालिकेकडून कारणे दाखवा नोटीस पाठवण्यात आली आहे. या नोटिसमध्ये या बेकायदेशीररित्या स्थापन करण्यात आलेल्या गाडे मालकाला 15 दिवसांच्या आत गाड्या संदर्भात परवान्याची कागदपत्रे सादर करण्याची मागणी मडगाव नगरपालिकेने केली आहे.
गोवा (goa) कॅनने बस्बस्थानकावर थाटलेल्या या बेकायदेशीर चहा विक्रीच्या गाड्याविषयी प्रकाशझोत टाकला होता. गोवा कॅनने या गाड्याविषयी वाहतूक संचालकांनाही सूचित केले होते. या बेकायदेशीर गाड्याविरुद्ध मडगाव (Margao) नगरपालिका काय निर्णय घेते या विषयाकडे सर्वांचे लक्ष लागून राहिले आहे. या बेकायदेशीर चहा विक्रीच्या गाड्यामुळे पूर्वीपासून येथे चहा विक्रीचा व्यवसाय करत असलेल्या गाड्यांना फटका बसण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
