Goa Shigmotsav 2023 : शहरातील शिगमोत्सव रविवारी साजरा करण्याची मागील 40 वर्षांची परंपरा आहे. मात्र, यंदा पर्यटन खात्याने रविवारऐवजी म्हापसा शहराला सोमवारी शिगमोत्सव मिरवणुकीसाठी दिवस दिला आहे. या प्रकारामुळे म्हापशातील नागरिक आक्रमक झाले असून त्यांनी राजकीय नेत्यांसह प्रशासनाकडे आपला शिगमोत्सव रविवारीच व्हावा, यासाठी जोरदार मागणी केली आहे.
म्हापशाचा शिगमोत्सव हा पूर्वीप्रमाणे रविवारीच साजरा करण्यासाठी शिगमोत्सव समितीच्या सदस्यांसह जागरूक नागरिकांनी शनिवारी (ता.4) पणजी येथील भाजपच्या कार्यालयात प्रदेशाध्यक्ष सदानंद शेट तानावडे यांची भेट घेतली.
तानावडे यांना निवेदन सादर केले. या शिष्‍टमंडळात समितीचे सदस्य तुषार टोपले, माजी नगरसेवक तथा पत्रकार नारायण राठवड, समाजसेवक संजय बर्डे, राजू तेली, सितेश मोरे यांचा समावेश होता.
सोमवारी सातेरी देवीचा गुलालोत्सव
मागच्या 40 वर्षांपासून म्हापसा शिगमोत्सवाची सुरवात देवी शांतादुर्गा व देव राष्ट्रोळीला नमन केल्यानंतर चित्ररथ, रोमटामेळ, लोकनृत्याने होते. यंदा सोमवार, दि. 13 रोजी ग्रामदेवी श्री सातेरी देवीचा गुलालोत्सव आहे. या धार्मिक कार्याची दखल घेऊन सरकारने शिगमोत्सव सोमवारऐवजी पुन्हा रविवारी साजरा करण्यासाठी अनुमती द्यावी, असा आग्रह म्हापसावासीयांनी धरला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
